Servizos
Acompañamos a organizacións públicas e privadas na súa transformación dixital a través de solucións tecnolóxicas avanzadas. O noso traballo baséase nunha visión integral, que combina a consultoría estratéxica, o desenvolvemento de software a medida e un soporte técnico constante, permitindo aos nosos clientes operar con maior eficiencia, seguridade e capacidade de innovación.
Solucións tecnolóxicas adaptadas ás túas necesidades
Consultoría e asistencia tecnolóxica
O noso servizo de consultoría técnica está orientado cara á análise e a definición das mellores estratexias tecnolóxicas en función dos obxectivos expostos en cada proxecto. Desde o acompañamento na toma de decisións tecnolóxicas ou a optimización de procesos, ata a definición de arquitecturas de sistemas, axudamos aos nosos clientes para establecer unha base sólida sobre a que construír os seus proxectos.
Este enfoque permítenos ofrecer unha asistencia técnica experta, non só en etapas temperás de desenvolvemento, senón tamén como soporte continuo durante todo o ciclo de vida das solucións tecnolóxicas.
Traballamos como aliados estratéxicos en iniciativas de dixitalización de procesos, deseño de plataformas tecnolóxicas, e integración de servizos, achegando visión, experiencia e capacidades técnicas.
Desenvolvemento e implementación de software
En Avansig deseñamos e desenvolvemos soluciones software adaptadas ás necesidades reais de cada cliente. Creamos plataformas web, aplicacións móbiles, sistemas de xestión ou contornas especializados que integran capacidades xeoespaciais, analítica avanzada ou fluxos de traballo personalizados.
O noso equipo técnico domina tecnoloxías punteiras e metodoloxías áxiles, o que nos permite abordar proxectos complexos con rapidez, eficiencia e un alto nivel de calidade. Asegurámonos de que cada solución non só cumpra cos requisitos funcionais, senón que tamén sexa escalable, segura e sostible a longo prazo.
Ademais, prestamos especial atención á experiencia de usuario, a integración con sistemas existentes e a interoperabilidade con fontes de datos externas. Isto permítenos desenvolver solucións que se adaptan á contorna operativa do cliente e que achegan valor desde o primeiro día.
Soporte e mantemento evolutivo
Sabemos que unha solución tecnolóxica necesita evolucionar para seguir sendo útil e eficiente. Por iso, ofrecemos un servizo de soporte e mantemento que vai moito máis alá da simple resolución de incidencias. O noso enfoque inclúe tanto a atención correctiva como a mellora continua, adaptándonos aos cambios da contorna, dos procesos ou das propias necesidades do cliente.
Proporcionamos asistencia técnica especializada, monitorización proactiva, xestión de actualizacións e evolución funcional dos sistemas, garantindo a súa dispoñibilidade, rendemento e adaptación constante. Desta forma, os nosos clientes poden centrarse na súa actividade principal, coa tranquilidade de contar cun socio tecnolóxico que vela polo bo funcionamento das súas solucións dixitais.
Ámbitos de especialización
A nosa experiencia técnica tradúcese en solucións altamente especializadas que responden os retos de sectores complexos e en constante evolución. En Avansig combinamos coñecemento profundo dos sistemas de información con tecnoloxías emerxentes, o que nos permite crear ferramentas avanzadas, adaptadas a contextos operativos esixentes e cun forte compoñente de innovación.
Os SIX son o núcleo de moitas das nosas solucións. Desenvolvemos plataformas xeoespaciais que integran, visualizan e analizan información territorial de forma precisa e intuitiva. A través de cartografía dixital, datos satelitais, sensores IoT e múltiples fontes interoperables, axudamos aos nosos clientes para entender a súa contorna como nunca antes, tomando decisións baseadas na localización, o contexto e a evolución do territorio.
Os nosos sistemas SIX están deseñados para ser escalables, personalizables e eficaces mesmo en contornas operativas esixentes. Aplicamos esta tecnoloxía en ámbitos como a xestión de infraestruturas, o medioambiente, o urbanismo ou a planificación de servizos públicos, con solucións que non só representan a realidade, senón que permiten actuar sobre ela. Porque onde hai territorio, hai unha oportunidade de facelo máis intelixente.
Convertemos a información xeográfica en coñecemento estratéxico. En Avansig desenvolvemos solucións de intelixencia xeoespacial que combinan datos espaciais con analítica avanzada, modelos preditivos e visualización interactiva. O noso enfoque integra múltiples fontes —como imaxes satelitais, sensores urbanos, rexistros operativos ou datos abertos— para axudarche a anticipar eventos, detectar patróns e optimizar decisións en tempo real.
Esta liña de especialización está pensada para quen necesita algo máis que mapas: coñecemento accionable. Xa sexa para planificar operacións, mellorar a mobilidade, xestionar emerxencias ou monitorizar recursos, as nosas solucións permiten extraer o máximo valor do dato xeolocalizado.
Na nosa empresa desenvolvemos xemelgos dixitais que transforman a maneira na que xestionas, supervisas e planificas os teus activos ou contornas. A través da captura e procesamento de datos reais —mediante sensores, drons, sistemas SIX e tecnoloxía 3D— creamos unha réplica dixital precisa e dinámica de calquera infraestrutura, sistema ou territorio. Este modelo dixital non só reflicte o estado físico da realidade, senón que a conecta con información operativa e permite visualizar a súa evolución en tempo real.
O noso enfoque vai máis alá da representación visual: integramos os xemelgos dixitais cos teus sistemas de xestión para que poidas simular escenarios, anticipar riscos e tomar decisións baseadas en datos. Grazas a esta tecnoloxía, facilitamos que o teu proxecto ou negocio avance, ofrecéndoche unha ferramenta estratéxica que che permitirá optimizar procesos, reducir custos e mellorar a eficiencia operativa. Un xemelgo dixital non é só un modelo, é a porta para que empezos a xestionar o presente e o futuro de forma máis eficaz.
Levamos a información dixital ao mundo real. Deseñamos solucións de realidade aumentada que permiten visualizar datos, modelos 3D e instrucións técnicas directamente sobre a contorna física, a través de dispositivos móbiles, tablets ou visores especializados. Esta tecnoloxía ofrece unha nova dimensión na interacción coa información, especialmente útil para traballos de campo, mantemento técnico, formación ou xestión de infraestruturas.
As nosas aplicacións de realidade aumentada están pensadas para mellorar a precisión, reducir erros e facilitar a toma de decisións en tempo real. Con contornas visuais intuitivas e conexión con bases de datos e sensores, logramos que cada usuario teña xusto o que necesita, cando o necesita e onde o necesita. É a tecnoloxía que conecta persoas, datos e territorio.
Interesado nalgún destes servizos?
Falemos
En Avansig, non ofrecemos tecnoloxía xenérica. Deseñamos solucións específicas para contextos concretos, con resultados reais. Tes un reto en mente? Un proceso que necesita ser repensado? Un servizo que queres levar ao seguinte nivel?
Cóntanos o teu proxecto e traballaremos contigo para facelo realidade.